Alemayehu Driba

አለማየሁ ድሪባ በ1990 ዓ.ም በአሰላ ከተማ የተወለደ ሲሆን ከልጅነቱ ጀምር ነው ከትወና ጋር የተዋደደው። አለማየሁ ዲሪባ ከአዲስ አበባ ዩኒቨርሲቲ በቴአትር ጥበብ በ2012 ዓ.ም. የተመረቀ ሲሆን ተዋናይ፣ የፕሮዳክሽን ማናጀር እና አዘጋጅ እንዲሁም በሁለገብነቱ የሚታወቅ የኢትዮጵያ የፊልም ባለሙያ ነው። «ድብብቆሽ» እና «ቁጭት» ባሉ ተወዳጅ የቴሌቪዥን ድራማዎች ላይ በፕሮዳክሽን ማኔጀርነት በመሳተፍ ኃላፊነቱን በብቃት ተወጥቷል። በተዋናይነት የተሳተፈባቸው ሥራዎች ደግሞ «የኛ» ተከታታይ ድራማ እና «ቁጭት» ተከታታይ ድራማ ሲሆኑ በፕሮዳክሽን ማኔጀርነት ከተሳተፈባቸው ፊቸር ፊልሞች ውስጥ ጥቂቱ «ያልተበላው እራት»፣ «ከፍቅር በላይ»፣ «ምርኩዜ» እና «ሰርቄሽ» ተጠቃሾች ናቸው፡፡ በፕሮዲውሰርነት ከሠራቸው ተከታታይ የቴሌቪዥን ድራማዎች ውስጥ ደግሞ «ስፍራሽ ብዙ» እና «አንድናቸው» ሲሆኑ ፊቸር ፊልሞች ደግሞ «ኃይሌ ገገማው»፣ «ታሪክ» እና «72 ሰዓት» ይገኙበታል፡፡ ከዚህም በተጨማሪ ከ60 በላይ የቴሌቪዥን ማስታወቂያዎችን የሠራ ባለሙያ ሲሆን። ከዚህም ባሻገር ሲትኮሞችን፣ ፊልሞችን እና የሙዚቃ ክሊፖችን በአዘጋጅነት በመሥራት ለመዝናኛ ኢንዱስትሪው ከፍተኛ አስተዋጽኦ አበርክቷል።